माओवादी केन्द्रको बैठक आज बस्दै

काठमाडौं, ११ साउन २०८२ । नेकपा (माओवादी केन्द्र) को केन्द्रीय कार्यालयको बैठक आज बस्दै छ । सत्ताबाट बाहिरिएपछि माओवादी केन्द्रका अध्यक्ष पुष्पकमल दाहाल प्रचण्डले पहिलो पटक केन्द्रीय कार्यालयको बैठक बोलाउनुभएको हो ।

पार्टी केन्द्रीय कार्यालय पेरिस डाँडामा बस्ने बैठकमा पछिल्ला राजनीतिक, समसामयिक विषयहरूमा छलफल हुने नेताहरूले बताएका छन् ।

पार्टीका आन्तरिक गतिविधि, संगठन सुदृढीकरणलगायतका विषयमा छलफल हुने महासचिव देव गुरुङले जानकारी दिनुभयो ।