पेरिस ओलम्पिकको आज भव्य उद्घाटन हुँदै

साउन ११ गते । गेम्स् वाइड ओपन नाराका साथ पेरिस ओलम्पिकको आज भव्य उद्घाटन हुँदै छ । फ्रान्सको राजधानी पेरिसमा हुने उद्घाटन समारोह करिब ४ घण्टा चल्ने छ । फ्रान्सका राष्ट्रपति इमानुएल म्याक्रोनले ओलम्पिकको उद्घाटन गर्ने छन् ।

उद्घाटन समारोह नेपाली समयअनुसार राति ११ बजे सुरु हुनेछ । पेरिस ओलम्पिकमा नेपालको झण्डा टेवल टेनिसका स्यान्टु श्रेष्ठ र जुडोकी मनीता प्रधानले बोक्नेछन् । स्यान्टु घरेलु मैदानमा भएको दक्षिण एसियाली छनोट चरणमा स्वर्ण पदक जित्दै पेरिस ओलम्पिकका लागि छनोट भएका हुन् । मनिता भने एसियाली कोटाबाट छनोट भएकी हुन् ।

टेबल टेनिसको पुरुष एकलको प्रतिस्पर्धामा नेपालका स्यान्टु श्रेष्ठले प्रारम्भिक चरणमा सेनेगलका इब्राइम डियासँग खेल्ने भएका छन् । पेरिस ओलम्पिक आयोजना गर्न झन्डै ९ अर्ब युरो खर्च हुने अनुमान आयोजकले गरेको छ ।