प्रधानमन्त्री प्रचण्ड र काठमाडौं महानगरपालिकाका मेयर बालेन शाहबीच आज भेटवार्ता भएको छ । सोमबार विहान प्रधानमन्त्रीको सरकारी निवास बालुवाटार पुगेर मेयर शाहले प्रधानमन्त्री प्रचण्डसँग भेटवार्ता गरी राजधानीका सुकुुम्बासी हटाउन सहयोग मागेका हुन ।
काठमाडौं महानगरभित्रका सुकुम्बासी बस्ती हटाउन सरकारको साथ माग्न उनी प्रधानमन्त्री प्रचण्डलाई भेट्न पुगेको बताइएको छ । थापाथलीस्थित बाग्मती नदी किनारका अनाधिकृत संरचना र बस्ती हटाउन मेयर शाहले संघीय सरकारको साथ खोज्दै आएका छन् । रवि लामिछाने गृहमन्त्री हुँदा पनि यसअघि सहयोग गर्न आग्रह गर्दै आएका थिए ।
पछिल्ला दिनहरुमा राजधानीबासीले मेयर बालेनका विरुद्धमा निरन्तर जसो प्रदर्शन थालेका छन् । आइतबार माात्रै माइतीघरमा हजारै राजधानीबासीले उनको विरुद्धमा प्रदर्शन गरेका हुन ।
प्रतिक्रिया