पर्वत बहुमुखी क्याम्पसको प्रमुखमा लाल प्रसाद शर्मा

पर्वत जिल्लाको पहिलो क्याम्पस पर्वत बहुमुखी क्याम्पसको प्रमुखमा प्राध्यापक लाल प्रसाद शर्मा नियुक्त भएका छन् । फलेवास नगरपालिका ६देविस्थानमा रहेको यस क्याम्पसमा शर्मा प्रमुख नियुक्त भएका हुन । कलिलो उमेरमै क्याम्पस प्रमुख हुने अवसर पाएका शर्मालाई क्याम्पसको भौतिक तथा शैक्षिकगुणस्तर सुधार गर्नुपर्ने निकै चुनौति खडा भएका छन् ।

२०४० साल स्थापित यस क्याम्पसमा आम फलेवासी तथा आसपासका जिल्लाको स्थानीयवासिन्दाको त्याग तपस्याबाट पर्वत जिल्लामै पहिलो चोटि उच्च शिक्षा दिने सुरु गरिएको हो । यस पर्वत बहुमुखी क्याम्पसको आगामी दिनमा थप गरिमामय र जिम्मेवारी पुर्ण सफल पार्न यस क्षेत्रमा एउटा धरोहर र होनहार व्यक्तित्वको रुपमा प्रमुखलाई प्राप्त गरेकोमा सरोकारवाला बुद्धिविजीहरुको ठहर छ ।

महेन्द्र बहुमुखी क्याम्पस बागलुंगका पूर्व क्याम्पस प्रमुख तथा पर्वत बहुमखी क्याप्पसका पुर्व प्राध्यापक जगन्नाथ प्रसाद लम्सालले सामाजिक सञ्जाल मार्फत अहिले क्याम्पस समस्या ग्रस्त छ । भन्दै जुनसुकै संस्थामा समस्या हुन्छन् । समस्या समाधान गर्न पनि सकिन्छन् । ती समस्या समाधान गर्न धैर्य र बुद्धि खियाउनु पर्छ । त्यस क्षेत्रका आम जनताको समर्थन जुटाई कामगर्नु हुनेछ। हामी सबैको साथ सहयोग तपाईलाई रहने छ । तपाईंको कार्यकाल सफल र स्मरणीय रहोस् । तपाईंलाई यस क्याम्पसको प्राणसन्चार गराउन सक्ने शक्ति मिलोस् भन्ने पूर्ण विश्वास एवं आशा राखेको छु, भन्नै बधाई दिएका छन् ।

यहाँ सुरुका दिनहरुमा पर्वत, बागलुंग, स्यांजा, गुल्मी लगायतका जिल्लाबाट अध्ययन गर्न आउने गरेका भएपनि करिव दुई दशक देखि आन्तरिक राजनीतिक खिचातानीकै कारण शैक्षिक र आर्थिक समस्या भएको थियो । तर पछिल्ला दिनहरुमा भने केही सुधारका संकेत देखा परेका छन् । यसै क्याम्पसका कारण यस क्षेत्रमा उच्च शिक्षाको प्रभाव बढ्न गएको सत्य हो । पछिल्ला वर्षहरुमा भने शहरी क्षेत्रमा वसाईसराईको दर बढेकाले विद्यार्थीमा समेत कमी आएको हो ।