पाटन उच्च अदालतले मोटरसाइकलमा मोबाइल होल्डर राख्न दिन आदेश जारी गरेको छ । न्यायाधीश सुभाष पौडेल र नरिश्वर भण्डारीको संयुक्त इजलासले मोटरसाइकलमा मोबाइल होल्डर र हेल्मेट क्यामरा राख्न दिई सवारी साधन निर्वाध रुपमा चलाउन दिन आदेश जारी गरेको हो ।
गत भदौमा सवारी दुर्घटना जोखिमको कारण देखाउँदै ट्राफिक प्रहरी कार्यालयले मोबाइल होल्डर राख्न प्रतिबन्ध लगाएको थियो ।
प्रतिबन्धपछि राइड शेयरिङ कम्पनी सजिलो साथी प्रालिका तर्फबाट डेविड चौधरी र आर्यनराज पाण्डेले उच्च अदालत पाटनमा गोप्रो क्यामेरा र मोबाइल स्ट्यान्ड राख्न पाउनुपर्ने मागसहित मुद्दा दायर गरेका थिए ।
भौतिक पूर्वाधार तथा यातायात व्यवस्था मन्त्रालय र यातायात व्यवस्था विभागलाई विपक्षी बनाई दायर गरिएको सो रिटमा मोबाइल होल्डर र हेल्मेट क्यामरा राख्न दिन विपक्षीको नाममा परमादेश जारी गरेको हो ।
ती उपकरण प्रयोगबाट हुनसक्ने सबल र निर्बल पक्षहरुको प्राविधिक अध्ययन र विश्लेषण गरी नियमन गर्नतर्फ आवश्यक रहेको पनि अदालतले ठहर गरेको छ । ट्राफिक महाशाखाले राइड शेयरिङ कम्पनीलाई लक्षित गर्दै यस्तो नियम ल्याएको थियो ।
प्रतिक्रिया