भारतीय मूलका नागरिक अजय बङ्गा विश्व बैंकको नयाँ अध्यक्ष चयन हुने सम्भावना बढेको छ। बिहीबार अमेरिकी राष्ट्रपति जोन बाइडेनले बङ्गाको नाम नोमिनेसन गरे सँगै उनी अध्यक्ष हुने सम्भावना बढेको हो। उक्त पदमा नोमिनेसनमा पर्ने बङ्गा पहिलो भारतीय मूलका नागरिक हुन्।
बाइडेनले बङ्गाको नोमिनेसन पछि तारिफ गर्दै ”अजयले ग्लोबल कम्पनीहरूको निर्माण र व्यवस्थापनमा तीन दशक बिताएका छन्। यी ती कम्पनीहरू हुन्, जसले अर्थव्यवस्थाको साथै रोजगारीलाई समेत बढावा दिएका छन्। यो ऐतिहासिक क्षणमा अजय विश्व बैंकको कमान संम्भालनको लागि सबैभन्दा योग्य छन्”।
त्यसैगरि अमेरिकी प्रशासनका वरिष्ठ अधिकारीहरूले मिडिया सँग कुरा गर्दै ”अजय सँग जलवायु परिवर्तनको चुनौती पार गर्ने सिलसिलामा राम्रो अनुभव छ। यस्तो अनुभव र प्रथमिकताहरु हुन् जुन विश्व बैंकको लागि आउने दिनमा गर्ने काममा मार्ग निर्देशन हुने छन् ।”
वर्तमान अध्यक्ष डेभिड मालपासले २०२४ अप्रिल भन्दा पहिले नै पद छोड्ने घोषणा गरे सँगै बङ्गालाई नोमिनेसन गरिएको हो। ६३ वर्षीय बङ्गा यति बेला प्राइभेट इक्युटि फण्ड जनरल एटलान्टिकका भाइस चेयरम्यान छन्। उनी भारतीय मूलका अमेरिकी नागरिक हुन्।
बङ्गाले अध्ययन भारतमा गरेका हुन् भने काम भने उनले अमेरिकामा गर्दै आइरहेका छन्। उनको प्रारम्भिक शिक्षा भारतको जालन्धर र सिम्लाबाट सुरु भएको थियो। डीयुबाट ग्र्याजुएसन र अहमदाबादबाट एमबिए गरेका हुन्। उनले सबैभन्दा पहिले सन् १९८१ मा नेस्ले इन्डियामा म्यानेजमेन्ट ट्रेनिबाट कामको थालनी गरेका हुन्। १३ वर्ष पछि सोही कम्पनीमा उनी म्यानेजर बनेका थिए। त्यसपछि उनी पेप्सिकोको रेस्टुरेन्ट डिभिजनको हिस्सा भएका थिए। बङ्गाले भारतमा पिज्जा हट र केएफसि ल्याउन महत्पूर्ण भूमिका निर्वाह गरेका थिए।
प्रतिक्रिया