चितवन ड्राइभिङ स्कुल सञ्चालन

चितवन जिल्लामै पहिलो आधिकारिक रुपमा दर्ता भएको चितवन ड्राइभिङ स्कुल सञ्चालनमा आएको छ । सवारी चालक अनुमतिपत्र निर्देशिका २०७४ ले निर्देश गरेको बमोजिम यो स्कुल आजबाट सञ्चालनमा आएको हो । भरतपुर महानगरपालिका वडा नम्बर ४, पिपल चोक, रामपुर रोडमा १००८ गुरु स्वामी सुधानन्दले शुुभारम्भ गर्नुभएको हो ।

यातायात व्यवस्था सेवा कार्यालय चितवनले प्रशिक्षण केन्द्र, कारखाना वा वर्कशप सञ्चालन अनुुमतिपत्र दर्ता कितावमा समेत २०६९ साल बैशाख १४ गते चितवन ड्राईभिङग स्कूल प्रा.लि. १ नम्बरमै अनुमति पत्र प्राप्त गरेको थियो । तर पनि विविध कारणले सो क्षेत्रमा परीक्षण सञ्चालन हुन सकेको थिए ।

यहाँ मोटरसाईकल, स्कुटी, कार, भ्यान, टेम्पो, हेभी इन्जिनको लागि ट्रायल दिन सकिने गरी सबै मापदण्ड पुरा गरी करिब दुुई विघा क्षेत्रफलमा निर्माण चालक केन्द्र स्थापना भएको हो । यो केन्द्र बनाउनका लागि एक वर्ष देखि थालिएको हो । अहिले सेन्टर सुुरु भएको सञ्चालक रामनारायण घिमिरेले जनाएका छन् । जग्गा भाडामा लिई निर्माण भएको यस केन्द्रमा ४ करोड रुपैयाँ भन्दा बढि लगानी भैसकेको छ ।
यो स्कुलमा सबै मापदण्ड पुरा गरिएको छ ।