शेखर छतकुली, बीरगंज १९ फागुन । पर्सा प्रहरीले प्रतिबन्धित लागु औषध ३ सय ग्राम खैरो हिरोईनसहित दुई जनालाई नियन्त्रणमा लिएको छ । प्रहरीले बीरगंज महानगरपालिका १६ स्थित शंकराआर्चाय गेटबाट भारतको रक्शौलबाट बीरगंज तर्फ पैदल आउदै गरेका व्यक्तिलाई विशेष चेकजाँचको क्रममा नियन्त्रणमा लिएको हो ।
जिल्ला प्रहरी कार्यालय पर्साको मातहतमा रहेको वडा प्रहरी कार्यालय बिर्ता र लागु औषध नियन्त्रण ब्युरो पर्साबाट खटिएको प्रहरी टोलीले सो प्रतिबन्धित लागु औषध ३ सय ग्राम खैरो हिरोईन प्लाष्टिकमा बेरिएको ३ पोकासहित नियन्त्रणमा लिएको जिल्ला प्रहरी कार्यालय पर्साका प्रहरी उपरिक्षक कोमल शाहले जनाएका छन । सो प्रतिबन्धित लागु औषध ३ सय ग्राम खैरो हिरोईन सहित पक्राउ पर्नेहरुमा भारत पश्चिम बंगाल जिल्ला माल्दा बमनग्राम बस्ने बर्ष २९ को महम्द नायम शेष र जिल्ला गोरखा घार्चेवडा नम्बर ६ हाल जिल्ला काठमाण्डौ महानगरपालिका वडा नम्बर २६ बस्ने बर्ष २४ को शुरेस घलेलाई नियन्त्रणमा लिएको प्रहरी उपरिक्षक शाहले बताएका छन् ।
सो लागु औषध घलेले काठमाडौं मगाएकाले शेषलाई बीरगंजबाट नियन्त्रणमा लिएपछी शेषको ब्यानको आधारमा काठमाण्डौ लागु औषध ब्युरोसंग पर्सा प्रहरीले समन्वयन गरी घलेलाई नियन्त्रणमा लिएको प्रहरी उपरिक्षक शाहको भनाई छ । सो लागुऔषधको बजार मुल्य ३० लाख रहेको प्रहरीले जनाएको छ । पर्सा प्रहरीले लागु औषधसहित नियत्रणमा लिएको शेष र घले माथी जिल्ला अदालत पर्साबाट म्याद थप गरी लागु औषध मुद्धामा थप अनुसंधान भै रहेको प्रहरीले जनाएको छ ।
प्रतिक्रिया