विभिन्न समयमा प्रकृतिक प्रकोपका कारण समस्यामा परेका पीडितहरुलाई सहयोग गर्न इन्द्रेणी कार्यक्रमका सञ्चालक कृष्ण कंडेल मुगु जिल्ला पुगेका छन् । कृष्ण कंडेल इन्द्रेणी फाउण्डेशनका अध्यक्ष तथा इन्द्रेणी कार्यक्रमका सञ्चालक कंडेल एक हप्तादेखि कर्णाली प्रदेशको मुगु जिल्लाका ग्रामीण बस्तीमा पीडितहरुलाई सहयोग गर्न सक्रिय छन् ।
फाउण्डेशन मार्फत स्वदेश तथा विदेशबाट प्राप्त भएको सहयोग मुगुका वाढी, अग्नि, क्यान्सर तथा जटिल प्रकारका रोगकाहरुलाई सहयोग रकम हस्तान्तरण गर्न उनी इन्द्रेणीको टिमसहित मुगु पुगेका हुन ।
सोरु गाँउपालिका ८ तारापानी, मुगुलगायत सिङ्गो गाँउपालिका बाढि पहिरो पिडितलाई इन्द्रेणीले सो रकम हस्तान्तरण गरेको हो । पालिका प्रमुखको रहोवरमा बाढी पीडितका साथै अन्य दृष्टिविहिन, क्यान्सर तथा मिर्गौला पीडितलाई सहयोग रकम हास्तान्तरण गरिएको हो ।
यता छायाँनाथ रारा नगरपालिका ८ झ्यारी, मुगुका बाढी पहिरो पीडितको अवस्था बुझि बस्तीको स्थलगत रिपोर्टिङ समेत इन्द्रेणीले गरेको छ । छायाँनाथ रारा नगरपालिका ११ शालिम, मुगुमा बाढी र पहिरोका कारण ज्यान गुमाएका ७ परिवारका ८ जनालाई जनही २० हजार रुपैयाँका दरले इन्द्रेणी मार्फत सहयोग हस्तान्तरण भएको छ ।
साथै यस नगरपालिका भरिका बाढी पहिरो पीडितको लागि सो नगरपालिकाका नगर प्रमुखको हातमा एकमुस्ट रकम हस्तान्तरण गरिएको छ ।
बाढि पहिरो ग्रस्त बस्तीको स्थलगत रिपोर्टिङमा समेत इन्द्रेणीले गरेको छ । खत्याड ७ रामताडी गाउँपालिका मुगुका बाढिपहिरो पिडितका साथै अन्य दृष्टिविहिन, क्यान्सर तथा मिर्गौलालाई इन्द्रेणी मार्फत सहयोग हस्तान्तरण भएको छ ।
इन्द्रेणीलाई विश्वास गरी मुगुका बाढी पहिरो पीडितलाई सहयोग गर्नुहुने सम्पुर्ण सहयोगी मनहरुमा फाउडेशनका अध्यक्ष तथा इन्द्रेणी कार्यक्रमका सञ्चालक कंडेलले आभार प्रकट गर्दै आगामी दिनहरुमा समेत इन्द्रेणीले जस्ताको तस्तै सहयोग गर्ने प्रतिवद्धता व्यक्त गरेका छन् ।
कर्णाली जिल्लाको विकट हिमाली जिल्ला मुगुका विभिन्न ग्रामीण क्षेत्रहरुमा कच्ची मोटर बाटोको यात्रासंगै दिनभरी लगाएर पैदल हिँडी इन्द्रेणीले प्रभावितलाई आर्थिक सहयोग गरेको हो ।
झन्डै ६ घण्टाको पैदल यात्रा गरि इन्द्रेणी टिम छाँयानाथ नगरपालिका राराका पीडितहरुलाई सहयोग गर्न पुगेको थियो । बाढीको एक वर्ष हुन लाग्दा समेत सरकारी स्तरबाट अहिलेसम्म प्रभावितलाई उचित सहयोग हुन सकेको छैन ।
स्स्थानीय पीडितहरुले राज्य भए नभएको समेत आभाश व्यक्त नगरेको पीडितहरुले इन्द्रेणी समूहलाई बताएका छन् ।
स्थलगत रिपोटिङमा अध्यक्ष कंडेलसहित प्राविधिक प्रमुख दिपक घिमिरे, कलाकारद्धय भूमिका वयक र युवराज चौलागाई, क्यामेरा पर्सन दिपेन्द्र देउवा र कर्मचारी लोकेश पुजार रहेका छन् ।
विगत ढेड दशकदेखि इन्द्रेणी मार्फत छरिएर रहेको दुरदराजका भाका र लोप हुदै गएको मौलिक लोक संगीतलाई संरक्षण गर्नकै लागि अभियान थालिएको हो । विविध सांस्कृतिक लोक भाकालाई प्रस्तुत गर्नकै लागि तराईका फाँट हुर्दै पहाडको उकाली अनि हिमालका चुचुरासम्म पुग्ने गरिएको छ । अनि बस्तीबस्ती होस् या खेतीपाती र डाँडाकाँडाहरुबाट हामी लोक संस्कृतिकै माध्यम मार्फत सबैलाई जोड्ने प्रयासमा लागी परेको छ इन्द्रेणी ।
इन्द्रेणी कार्यक्रम मार्फत प्राकृतिक विपत्तिको प्रहार भोगेका समुदायलाई राहत देखि पुर्ननिर्माणमा सहयोग गरिएको जनाएको छ । भूकम्प, बाढीपहिरो, आगलागी, डुवानका हरेक पिडाहरुमा इन्द्रेणी मार्फत जोडिएका छन । सुकुम्वासी, सडक मानव समक्ष पनि इन्द्रेणी सेवाभाव र सेवा कर्मसहित जोडिएको छ । जटिल रोगहरु जस्तैः मृगौलामा समस्या, क्यानसर, मुटु, कलेजो, फोक्सो, दिमागको उपचारमा इन्द्रेणी सधै अघि सरेको छ । रोजगारीका लागि विदेश पुगेर मृत्युदण्डको सजाए पाएकाहरुको ज्यान बचाउँने राष्ट्रिय अभियानको थालनी गर्ने देखि उनिहरुका लागि आवश्यक रकमको जोहो गर्ने मानवीय कार्य ईन्द्रेणीसंगै जोडिएको छ । बाँदर, सडक कुकुर, गौशाला, विभिन्न मानव आश्रम तथा बाल स्याहार केन्द्रसम्म कार्यक्रम मार्फत सहयोग भएको छ ।
सेवा, सन्देश र मनोरञ्जनका साथ नेपाली लोक मौलिक कला संस्कृतिको रक्षाका लागि इन्द्रेणी निरन्तर रुपमा समाज सेवामा लागेको बताएको छ । संस्कृति सभ्यताको जननीका रुपमा आत्मसाथ गरेको इन्द्रेणीले अग्रजलाई सम्मान नयाँलाई प्रोत्साहन भन्ने मुल नारालाई समेत ध्यानमा राखी आर्थिक अभावमा लुनेर बसेकाा कला र गलालाई समेत समाजका माँझ ल्याउने अभियानलाई निरन्तरता दिएको छ । मुगु जिल्लाका ग्रामीण बस्तीहरुमा पुगेर छाँयाङकन गरिएका सम्पूर्ण कार्यक्रमहरु क्रमशः इन्द्रेणी युटुव च्यानल मार्फत हेर्न सकिने छ ।
तस्विरहरु : इन्द्रेणी टिम मार्फत प्राप्त
प्रतिक्रिया