पर्वत चन्द्रागिरी समाजको तेस्रो साधारण सभा सम्पन्न

पर्वत चन्द्रागिरी समाजको तेस्रो साधारण सभा तथा बनभोज कार्यक्रम सम्पन्न भएको छ । पर्वत जिल्लाका पूर्व मन्त्री तथा सांसद पदम गिरीको प्रमुख आथित्यतामा कार्यक्रम सम्पन्न भएको हो । सांसद गिरीले शुभकामना मन्तव्य व्यक्त गर्दै पर्वतसंगको साहिनी जीवन्त भएकाले चन्द्रागिरीमा बसेर पनि पर्वतको नेतृत्व खोज्नुुभएकोमा खुशी व्यक्त गर्नुभयो ।

समाजले भावनात्मक एकता राख्दै सामाजिक कार्यमा लाग्दै एकता अदभुत रहेकोमा सांसद गिरीले धन्यवाद दिनुुभयो । समाजिक कामका लागि मनोवल उच्च राख्नमा यस्ता समाजले योगदान गर्ने गरेको भन्दै समाजलाई थप विस्तार निरन्तरता दिर्दै जानुपर्ने उहाँले धारणा राख्नुभयो । मुलुुकमा व्याप्त निराशा आएको भन्दै कसैमा पनि अर्थव्यवस्थाका कारण निराशा आएको अवस्थामा आशामा बदल्न सबै लाग्नुपर्ने स्पष्ट पार्नुभयो ।
कार्यक्रममा पर्वत जिल्लाका लोक गायक बिमलराज क्षेत्री, कृष्ण समीप सुवेदी, अन्जानबाबु शर्मा, सुस्मिता क्षेत्रीलगायतका कलाकरको बेजोड सांस्कृतिक प्रस्तुति देखाएका थिए ।

पर्वत चन्द्रागिरी समाजका अध्यक्ष प्रेम बहादुर क्षेत्रीले वार्षिक प्रगति विवरण तथा भावी योजनाहरु पैस्तुत गर्नुभयो । पर्वतवासीहरुबीचको आत्मीयता र सामीप्यता उच्च भएर सहज र असहज परिस्थितिमा पनि एकअर्काको हातेमालो गर्दै कांध मिलाएर अगाढी बढ्ने विषयमा सहभाागीहरु विश्वस्त रहेका थिए । कार्यक्रमको सञ्चालन सचिव लेखराम गौतमले गर्नुभएको थियो ।

पर्वत जिल्लाबाट राजधानीको चन्द्रागिरी नगरपालिकामा आई बसोवास गर्ने व्यक्तित्वहरुको संस्था पर्वत चन्द्रागिरी समाजको आज तेस्रो साधारण सभा तथा बनभोज कार्यक्रममा पर्वतका पूर्वमन्त्री तथा सांसद् पदम गिरी, समाजसेवी, चिकित्सक, कर्मचारी, प्राध्यापक, कानून व्यवसायी, राजनीतिज्ञ, कलाकर्मी तथा सञ्चारकर्मीलागयतको सहभागिता निकै उत्साहपूूर्ण रहयो । यो कार्यक्रम चनपा १ मा सम्पन्न भएको हो । समाजले विभिन्न सामाजिक कार्यमा सहभागिता जनाउँदै आएको छ ।

सो अवसरमा समाजसेवीहरु, समाजको अक्षय कोषका लागि पर्वत चन्द्रागिरी समाजका वरिष्ठ सल्लाहकार तथा समावसेवी आजिवन सदस्य रामचन्द्र मल्लले एक लाख रुपैयाँ र प्राध्यापक रमेश गौतमले एक लाख एक हजार रुपैयाँ सहयोग गर्नुभएको छ ।
लाइभ फुुड एण्ड वेव्रेज प्रालि लाजिम्पाटको तर्फबाट किबुु इनर्जी डिक्स निःशुल्क उपलब्ध गरानुका साथै यति बुलरीको तर्फबाट सम्पूर्ण सवारी भाडा बापत १० हजार रुपैयाँ आर्थिक सहयोग कम्पनीका नेशनल सेल्स म्यानेजर तथा समाजका सचिव लेखराम गौतमले हस्तान्तरण गर्नुभयो । समाज २०७७ सालमा स्थापना भएको हो ।