कृष्ण कंडेल इन्द्रेणी फाउण्डेशनका अध्यक्ष कृष्ण प्रसाद कंडेलले आफुमाथि झुटा आरोप लगाउने कलाकार विरुद्ध मुद्दा दर्ता गराएका छन् । ईन्द्रेणी कार्यक्रमका सञ्चालक कँडेलले कलाकार शर्मिला श्रेष्ठ, बाध्यवाधकहरु पूर्ण प्रसाद कँडेल, खगेन्द्र विक, लक्ष्मीप्रसाद घिमिरे, सवारी चालक जीवन टण्डन र चालककी श्रीमती कविता लामालाई विपक्षी बनाई काठमाडौँ जिल्ला अदालतमा शुक्रबार गाली बेइज्जतीको मुद्दा दर्ता गराएका हुन ।
यीनीहरुले इन्द्रेणीमा काम गरे बापतको सम्पूर्ण पारिश्रमीक लिएर एक महिना पछि कृष्ण कंडेलका साथै उनको परिवारमाथि विभिन्न कपोलकल्पित आरोप लगाएको निष्र्कष सहित कानूनी उपचारका लागि मुद्दा दर्ता गरिएको जनाइएको छ ।
दर्ता भएको मुद्दामा लेखिएको छ,‘विपक्षीहरूले मेरो मान प्रतिष्ठा, इज्जत तथा संस्थाको गरिमामाथि धक्का पुग्ने किसिमले मेरो, इन्द्रेणी तथा सो संस्थामा आबद्ध अन्य महिला कलाकार तथा कर्मचारीहरूको बेइज्जती गरेको हुँदा मुलुकी फौजदारी संहिता २०७४ को दफा ३०७ (२) अनुसार विपक्षीहरूले गरेको बेइज्यतिको गम्भीरता, मेरो प्रतिष्ठामा पर्न गएको असर र मलाई मेरो बेइज्जती गर्ने दूषित उद्देश्यका साथ गैर कानुनी तवरबाट विभिन्न सामाजिक सञ्जालमा लाइभ बस्ने, कथित रूपमा पत्रकार सम्मेलन गर्ने तथा विभिन्न अनलाइन सञ्चार माध्यममा समेत सार्वजनिक गरेको हुँदा विपक्षीहरुबाट उचित क्षतिपूर्ति दिलाई उक्त क्षतिपूर्ति रकम असहाय तथा दुःखी पीडितले प्राप्त गर्ने गरी नेपाल सरकारअन्तर्गत रहेको पीडित राहत कोषमा पठाई पाउँ ।’
बुधबार ५ जनाले फेसबुक पेज र बिहिबार पत्रकार सम्मेलन गरी कंडेलमाथि गम्भीर आरोप लगाएका थिए । सोको बारेमा आज शुक्रबार कार्यक्रम सञ्चालक कृष्ण कंडेलले सो विषयमा स्पष्ट पार्दै आफुलाई सिध्याउनका लागि गरिएको षड्यन्त्र भनि सबैलाई भ्रममा नपर्न आग्रह समेत गरेका थिए । सामाजिक सञ्जालमा यदिबेला पक्ष र विक्षमा विभिन्न बहसहरु भएका छन् ।
प्रतिक्रिया