पन्थी परिवारबाट अटिजम केयर सेन्टरलाई सहयोग

गुल्मी जिल्ला धुर्कोट घर भई हाल बानेश्वर काठमाडौं निवासी पन्थी परिवारले अटिजम केयर सेन्टर बलम्बुलाई आर्थिक सहयोग गर्नुभएको छ ।

चिकित्सा विज्ञान राष्ट्रिय प्रतिष्ठान (न्याम्स) वीर अस्पतालका पूर्व रजिष्टार डाक्टर मुकुन्दराज पन्थीकी श्रीमती रुकमणी पन्थी र नातिनी आश्री पन्थीको जन्मदिनको अवसरमा अटिजम सेन्टरलाई सहयोग गर्नुभएको हो ।

शिक्षा क्षेत्रमा लामो समयसम्म आवद्ध भई सेवा गर्नुभएकी शिक्षाप्रेमी पन्थीले आफ्नो र नातिनीको पहिलो जन्मोत्सवको अवसरमा अटिजम केयर सेन्टरलाई सहयोग गरेको बताउनुभयो ।

महिला उत्प्रेरणा विकास मञ्च नामक संस्थाले अटिजम भएका बालबालिकाको हेरचाह तथा शैक्षिक सिकाई प्रक्रियामा सहज होस भनेर चन्द्रागिरी नगरपालिका बडा नम्बर १२ बलम्बुमा अटिजम केयर सेन्टर सञ्चालन गर्दै आएको छ । पन्थी परिवारले जन्मदिनमा फजुर खर्च गर्नुभन्दा सामाजिक कार्यमा सहयोग गरेमा आफुको सहयोगले अरुलाई समेत थप प्रेरणा मिल्ने भएकाले आफुहरुले यस सेन्टरका बालबालिका तथा व्यवस्थापनमा सहज होस भनेर सहयोग गरेको डाक्टर शरद पन्थीले बताउनुभयो ।

आमा र छोरीको जन्मदिनको अवसरमा अटिजम सेन्टरलाई सहयोग गर्न पाउँदा खुशी लागेको भन्दै महिला उत्प्रेरणा विकास मञ्चले सामाजिक कार्य थालेकोमा धन्यवाद समेत व्यक्त गर्नुभयो ।
आश्रीकी आमा डाक्टर प्रतिमा पन्थीले बालबालिकामा अटिजम समस्या बढ्दो रुपमा देखा परेको भन्दै सामाजिक स्तरबाटै जनसचेतना मार्फत समयमै अटिजमको पहिचान गरी निधानमा लाग्नुपर्ने बताउनुभयो ।

अटिजम भएका बालबालिकाहरुलाई घरपरिवारले मात्र नभई समाज र राज्यस्तरबाटै बिशेष शिक्षाका लागि सबैको सहकार्य हुन जरुरी रहेको डाक्टर पन्थीको धारणा छ । यस सेन्टरलाई सबैले सक्दो सहयोग गरी सामाजिक रुपमा योगदान गर्नसमेत सरोकारवाला सामाजिक व्यक्तित्वहरुलाई आग्रह गर्नुभयो ।