आफ्नो १६औं स्थापना दिवसको अवसरमा चन्द्रागिरीमा देव दर्शन बचत तथा ऋण सहकारी संस्थाले निःशुल्क आँखा तथा स्वास्थ्य शिविर सम्पन्न गरेको छ ।
निःशुल्क आँखा तथा स्वास्थ्य शिविरमा २ सय ९५ जनाले निःशुल्क आँखा जाँच गराउनुका साथै १ सय ४९ जनाले निःशुल्क सुगर प्रेसर जाँच गराएका थिए । यता ३५ जनाले नशा, हाडजोर्नी, छाला तथा यौन रोग विशेष परामर्श सेवा लिनुभएको आयोजकले जनाएका छन् । आँखा शिविरको क्रममा १० जनामा मोतिबिन्दु भएका विरामी भेटिएकाहण्रुलाई निःशुल्क सल्यक्रियाको ब्यवस्था देवदर्शन सहकारी संस्थाको सहकार्यमा तिलगंगा आँखा अस्पतालबाट हुने भएको छ। स्वास्थ्य शिविर सञ्लन गर्न तिलगंगा आँखा अस्पताल गौशाला र मेडपोइन्ट अस्पताल सतुङ्गलले सहकार्य गरेको थियो ।
संस्थाको १६औं स्थापना दिवसको अवसरमा सामाजिक उत्तरदायित्वको अन्तर्गत नगरभित्र बसोबास गर्ने जेष्ठ नागरिक, सहकारीका सदस्य तथा, सर्वसाधारणलाई सेवा दिन स्वास्थ्य शिविर सञ्चालन गरिएको सहकारीका अध्यक्ष रामनारायण घिमिरेले बताउनुभयो ।
तिलगंगा आँखा अस्पताल गौशला, मेडपोइन्ट अस्पताल सतुङ्गल लगायतका संस्थाको प्राविधिक सहयोगमा सञ्चालन भएको स्वास्थ्य शिविरमा रक्तचाप, मधुमेह, नशा तथा हाडजोर्नी, छाला तथा यौनरोगलगायतका रोगका विशेषज्ञ चिकित्सकले परामर्श तथा स्वास्थ्य परिक्षण गरिएको अध्यक्ष घिमिरेले बताउँनुभयो ।
देव दर्शन बचत तथा ऋण सहकारी संस्थाको कार्यालय चन्द्रागिरि नगरपालिका वडा नम्बर ५ दाउराडिपोमा सञ्चाालन गरिएको शिविरमा जेष्ठ नागरिकहरुले स्थानीय स्तरबाटै निःशुल्क सेवा प्राप्त गर्न पाएकोमा सहकारी प्रति निकै आभार व्यक्त गरेका थिए ।
सहकारीका पदाधिकारीले जेष्ठ र अशक्त नागरिकहरुका लागि निःशुल्क यातायातको व्यवस्था समेत गरेका थिए । शिविरमा मोतिया बिन्दुभएका व्यक्तिहरुको उपचार घरपरिवारको सल्ललाहमा सहकारीले निःशुल्क शल्यक्रिया गर्ने व्यवस्था समेत गरेको जनाएको छ । शिविरमा एक हजार भन्दा बढिले निःशुल्क स्वास्थ्य परिक्षण गराएका थिए ।
प्रतिक्रिया