पहिरोले घर पुरिँदा एक युवकको मृत्यु

कास्कीको पोखरा महानगरपालिका वडा नम्बर २७ सहेलापाटामा पहिरोले घर पुरिँदा एक युवकको मृत्यु भएको छ । मृत्यु हुनेमा कमला थापाकी २२ वर्षीय छोरा भिमबहादुर थापा रहेको जिल्ला प्रहरी कार्यालय कास्कीले जनाएको छ ।

कमलालाई भने प्रहरीले सकुशल उद्धार गरेको छ । आज बिहान करिब ४ बजेतिर घरमाथिबाट पहिरो खस्दा उनीहरु पुरिएका थिए ।

गत २४ घण्टामा कास्कीको लामापाटन केन्द्रमा देशभरमा भन्दा सबैभन्दा धेरै १३७ मिलिमिटर वर्षा भएको मौसम पूर्वानुमान महाशाखाले जनाएको छ ।