२२ चैत्र २०८१, शनिबार | Sat Apr 5 2025

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

breaking


युरोकप २०२४ : इङ्ल्यान्डलाई २-१ ले हराउँदै स्पेनले उचाल्यो उपाधी



काठमाडौं। स्पेनले चौथो पटक युरो कप २०२४ को उपाधि जितेको छ। बर्लिनमा भएको फाइनलमा इङ्ल्यान्ड माथि २-१ को जित निकाल्दै स्पेनले युरोपेली च्याम्पियनशीपको उपाधि जितेको हो।

दोस्रो हाफको सुरुवातमै स्पेनले गोल गर्दै खेलमा सुरुवाती अग्रता लिएको थियो। लामिन यमालको पासमा निको विलियम्सले पहिलो गोल गरे ।

७३ औं मिनेटमा इङ्ल्यान्डका लागि कोल पालमरले बराबरी गोल गरे। तीन मिनेट अघि मैदान प्रवेश गरेका उनले बक्स बाहिरबाट उत्कृष्ट गोल गरे।

तर ८६ औं मिनेटमा स्पेनले विजयी गोल गर्‍यो। मार्क कुकुरेलाको क्रसमा मिकेल ओयारजाबालले गोल गर्दै स्पेनलाई जित दिलाए।

स्पेनको यो चौथो युरो उपाधि हो। इङ्ल्यान्ड भने लगातार दोस्रो पटक पनि युरो कप फाइनलमा पराजित भएको छ। इङ्ल्यान्डले अहिले सम्म युरो कप उपाधि जित्न सकेको छैन।

प्रकाशित मिति : ३२ असार २०८१, सोमबार  ६ : ५३ बजे