सत्ता समीकरण फेरिए सँगै न्यायाधीश नियुक्ति प्रक्रिया रोकिएको छ । जिल्ला देखि सर्वोच्च अदालत सम्मका रिक्त न्यायाधीशको पदपूर्ति प्रक्रिया लम्बिएको छ । सर्वोच्च अदालतमा ४, उच्च अदालतमा १० र जिल्ला अदालतमा ३५ न्यायाधीशको दरबन्दी रिक्त छ ।
कांग्रेस–एमालेबीच समीकरण बनेसँगै तत्कालीन कानुनमन्त्री पदम गिरीले राजीनामा दिएकाले नियुक्ति प्रक्रिया रोकिन पुगेको हो । वर्तमान सरकारमा कानुनमन्त्रीको जिम्मेवारी अजय चौरासियाले पाउनुभएको छ ।
कतिपय उम्मेदवार बारे सुरु देखि नै गृहकार्य गर्नुपर्ने भएकाले प्रक्रिया लम्बिन जाने देखिएको छ । सर्वोच्च, उच्च र जिल्ला अदालतमा गरी १ लाख ६३ हजार मुद्दा फैसला हुन बाँकी रहेको छ ।
प्रतिक्रिया