प्रतिनिधिसभाको बैठक आज बस्दै

काठमाडौं, साउन १३ गते । संघीय संसद अन्तर्गत प्रतिनिधिसभाको बैठक आज बस्दैछ। नयाँबानेश्वर स्थित संसद भवनमा दिउँसो १ बजे सुरु हुने आजको बैठकमा सभामुख देवराज घिमिरेले प्रतिनिधिसभा अन्तर्गतको विषयगत समितिमा सदस्यहरूको नाम हेरफेर गर्ने कार्यसूची रहेको छ।

यस्तै, शिक्षा, विज्ञान तथा प्रविधिमन्त्री विद्या भट्टराईले राष्ट्रियसभामा उत्पत्ति भएको ‘शहीद दशरथ चन्द स्वास्थ्य विज्ञान विश्वविद्यालय विधेयक, २०८० माथि विचार गरियोस्’ भनी प्रस्ताव प्रस्तुत गर्ने छिन्।