राष्ट्रिय समाजसेवी प्रा. डा. जगदीश वैद्यले बेवारिसे रूपमा रहेका हजाराै लाशकाे अन्तिम संस्कार गर्नुभएकाे छ ।
प्रा. डा. वैद्यले हालसम्म ६० हजार ७ सय ६ भन्दा बढी बेवारिसे लाश जलाउन सहयोग गर्नुकाे हाे । उहाँले सातै प्रदेशका ७७ जिल्ला, ७५३ पालिकामध्ये ३५ स्थानीय निकायमा उहाँको नामबाट पार्क, मार्ग, मन्दिर, ताल, टोलको नामाकरण समेत हुँदै आएको छ ।
संसद सचिवालयको २०७५ कात्तिक २० गतेको निर्णय बमोजिम वैद्यले आजिवन सम्मान पत्र प्राप्त गर्नुभएको छ ।
विसं. २०३५ साल वैशाख ३ गते पशुपति क्षेत्रको बागमती सरसफाइबाट समाजसेवामा प्रवेश गर्नुभएका वैद्यले २०५० सालको दैविक प्रकोप, बाढी, पहिरो राहत सहयोग जम्मा गर्ने क्रममा व्यक्तिगत प्रयासबाट कुल राहतको ६० प्रतिशत राहत जम्मा गरी नेपाल सरकारलाई सहयोग गर्नुभएर कीर्तिमान कायम राख्नुभएको छ ।
उहाँले २०७२ सालको महाभुकम्पमा सेवा भावकाे उच्च सम्मान गर्दै राष्ट्रले राष्ट्रिय समाजसेवीको सम्मान प्राप्त गर्नुभएको हाे ।
आफ्ना सम्पुर्ण पारिश्रमिक राहत स्वरुप त्रिभुवन विश्वविद्यालय, कृषि तथा वन विज्ञान विश्वविद्यालय, पोखरा विश्वविद्यालय लगायत नेपाल भर १ सय २२ मन्दिर आफ्नै हातबाट शिलान्यास गर्नुभएको छ । यसका साथै, नेपालभरीका गुरुकुल र अनाथ, असहाय संस्थाहरुलाई खाद्यन्न तथा लत्ताकपडा सहयोग गर्नुका साथै देशभर ५१ लाख विभिन्न प्रजातिका रुख, विरुवा स्थानीय निकायलाई सहयोग गर्नुभएको छ ।
२०८० साल कात्तिक १७ गते जाजरकोट केन्द्रबिन्दु भएर आएको भुकम्पबाट पीडितमध्ये महिलाहरुलाई सेनिटरी प्याड, टावल १५ हजार काटुन, एक हजार जोर जुत्ता, पाँच हजार थान त्रिपाल, पच्चिस हजार थान कम्मल, ब्ल्याङ्केट बीस हजार थान, विभिन्न औषधि ५० काटुन सहयोग गर्नुभएको थियो ।
उहाँले हालसम्म २ सय २ पटकभन्दा बढी रक्तदान, मरणोपरान्त त्रिवि शिक्षण अस्पताललाई शरीर दान गर्नु भएकाे छ ।
प्रतिक्रिया