वालयोगेश्वर श्री विजय कृष्णमुर्ती महाराजजीले आफ्नो विरुद्धमा बन्द कोठा भित्र बसेर हिन्दु धर्मविरोधीहरुले अनेक षड्यन्त्र गरेको दाबी गर्नुभएको छ । आज बाट विश्व विराट ज्ञान आश्रममा जारी महायज्ञलाई सम्बोधन गर्दै उहाँले केही समूह तथा व्यक्तिहरुले कोठा भित्रबाट छुट प्रचार गरी आफुहरुका विरुद्धमा भ्रम फैलाउने काम भैरहेको बताउनुभयो ।
उहाँले हाम्रो धर्म, संस्कार, संस्कृति र माटो प्रति विदेशी शक्तिहरुबाट अनेक योजनाहरु बुनिएको भन्दै यसका विरुद्धमा भागेर होइन अगाडी बढेर विदेशी शक्तिलाई खेदाउनुपर्ने तर्क गर्नुभयो ।
कोटीहोममा आम्दानी भएपनि व्यवस्थापनको खर्च बढि भएकाले हाललाई घाटा लागेपनि आश्रम र बालबालिकाहरुको शिक्षाका लागि दाताले दिएको सहयोग रकमको भावनामा चोट नपर्ने गरी आफुहरुको पारिश्रमिकबाटै उद्देश्य पुरा गर्ने स्पष्ट पार्नुभयो ।
मेरा विरुद्धमा विदेशी सम्यन्त्रले कोठामा भित्रबाट षड्यन्त्र गरिरहेको भन्दै तीनीहरुका समेत यस्ता यज्ञहरुबाट सतबुद्धि प्राप्त हुने विश्वास व्यक्त गर्नुभयो । आश्रम निर्माणका लागि निर्माणका लागि एक लाख ११ हजार एक सय ११ रुपैयाँ नगद सहयोग रकम हस्तान्तरण गर्नुभएको छ । विश्व विराट ज्ञान आश्रमका संरक्षक समेत रहनुभएका कृष्णमुर्तीले आश्रम निर्माणका लागि सहयोग हस्तान्तरण रकम हस्तान्तरण गर्नुभएको हो ।
काठमाडौं महानगरपालिका वडा नम्बर १४ वासुकी चौर, गोरक्षपीठ, भुवनेश्वरी मन्दिरमा सञ्चालन भएको श्रीमद्भाागवत महापुराणमा शनिबार उहाँले रकम हस्तान्तरण गर्नुभएको संस्थाका कोषाध्यक्ष तथा अभियान्ता उद्धव कुमार घिमिरेले बताउँनुभयो । मानव सेवा फाउन्डेसनका सञ्चालक समेत रहेनुभएका उहाँले साउन महिनाभरी पशुपतिमा कोटी होम महायज्ञ लगाउनुभएको थियो ।
विश्व विराट ज्ञान आश्रम यज्ञको प्रमुख वाचक प्रवीण पं। दीनबन्धु पोखरेल रहनुभएको छ । महापुराण भदौं ३१ गतेसम्म सञ्चालन हुने अभियान्ता घिमिरेले जनाउनुभयो । विराट यज्ञ विश्वमा अध्यात्मसंगै शान्ति फैलाउन सहयोगी बन्ने आयोजकको भनाई छ ।
प्रतिक्रिया