कृषि विकास बैंक कर्मचारी संघबाट वाढी पिडितलाई आर्थिक सहयोग (भिडियोसहित)

कृषि विकास बैंक कर्मचारी संघ, नेपालले वाढी पिडितका लागि एक लाख ११ हजार एक सय ११ रुपैयाँ आर्थिक सहयोग गरेको छ । संघले बाढी पिडितका लागि आज एक कार्यक्रमबीच आर्थिक सहयोग गरेको हो । संघले नेपालीहरुको महान पर्व विजयादशमी, शुभदीपावली, नेपाल सम्वत् तथा छठ पर्वको पावन अवसरमा उपहार कार्यक्रम तथा खेलाडी सम्मान कार्यक्रम समेत सम्पन्न गरेको छ ।

फुटसलमा विजयीहरुलाई नगद तथा प्रमाणपत्रसहित सम्मान गरिएको हो । यसरी सम्मानित हुनेहरुमा टोली व्यवस्थापक विजय पौडेल, टोली प्रशिक्षक छगेन्द्र आर्चाय, खेलाडीहरु टिम क्याप्टेन दुर्गा भण्डारी, अनमोल आशिष भट्ट, राधेश्याम चौधरी, अर्जुन कार्की, राजु कुमार निरौला, जीवराज बम, किपर सोवित थापा मगर र राजेन्द्र प्रसाद दुलाल गोल किपर रहेका थिए । सहिद मनोज–झपेन्द्र–सुरेन्द्र स्मृति दिवस २०८१ मा आयोजना गरेको अन्तर टे«ड युनियन÷ अन्तर घटक फुटसल प्रतियोगितामा कृषि विकास बैंक कर्मचारी संघ प्रथम भएको संघकी अध्यक्ष लिला जिसीले बताउनुभयो ।

साथै कृषि विकास बैंक कर्मचारी संघ नेपालद्धारा संचालित उपहार कार्यक्रम २०८१ को सार्वजनिक गरिएको छ । बैंकका प्रमुख कार्यकारी अधिकृत गोविन्द्र गुरुङले उपहारको डिजिटल गोलाको सुरुवात गर्नुभएको हो । प्रथम उपहारमा पुतलीबजार ३ स्याङजाका प्रशान्त तामाङले होन्डा साइनको १२५ सिसिको मोटरसाईकर जितेका छन् ।

त्यस्तै दोस्रो पुरस्कारमा थाके्र ७ धादिङका उद्धव खतिवडाले आई फोन १५ जितेका छन् । यता तेस्रो पुरस्कार गोदावारी ५ कैलालीका क्रिशल चौधरीले ८ केजीको वासिङ मेसिन उपहार जितेका हुन । चौथो पुरस्कारमा डेलको ल्यापटप रहेको छ । पाँचौ पुरस्कारमा ३२ इन्चको स्माट एलइडी टिभि मलंगवा सर्लाहीका सञ्जय कुमार रायले हात पारेका छन् । उपहारमा छौटौं पुरस्कार १५ जनालाई मिक्सर, सातौं पुरस्कार २५ जनालाई आइलन र सान्त्वना पुरस्कार ५० जनालाई विद्युतीय जंग परेको थियो ।

उपहार प्राप्त गर्नेहरुले ३५ दिन भित्र अर्थात कार्तिक मसान्तसम्म रसिदको अर्धकटी सहित उपहारको दावी गर्न आग्रह गरिएको छ । संघले विगतका वर्षहरु देखि रचनात्मक कामका साथै बैंक भित्रको बेथितिलाई सुधार गर्दै कर्मचारी तथा ग्रहकको हक हितका लागि आवाज उठाउँदै रचनात्मक कार्यमा अघि बढ्दै आएको दाबी गरेको छ । सामाजिक क्षेत्रमा क्रियाशिल संघले आगामी दिनहरुमा समेत सामाजिक तथा संस्थागत विकासका लागि सहकार्यलाई निरन्तरता दिने लक्षय राखेको छ ।

उपहार तथा खेलाडी सम्मान कार्यक्रममा कृषि विकास बैंकका प्रमुख कार्यकारी अधिकृत गोविन्द गुरुङ, महाप्रबन्धक प्रताप सुवेदीले मन्तव्य व्यक्त गर्नुभयो । कार्यक्रममा संघको तर्फबाट लोक प्रसाद गौतमले स्वागत मन्तव्य व्यक्त गर्नुभएको थियो भने कार्यक्रमको सभापतित्व वरिष्ठ उपाध्यक्ष छगेन्द्र आचार्य र कार्यक्रमको सञ्चालन उप महासचिव केशव पोखरेलले गर्नुभएको थियो ।